哲學系畢業，有飼兩隻貓佮兩隻狗，閣加上一位當咧青春期的猴囡仔，希望透過畫筆來顧逐家的腹肚，目前攏猶算順利。畫圖的時佮意啥物攏試看覓，實驗任何媒材的可能性。若無畫圖的時就興𬦰山，寫故事的時嘛會將經驗寫佇內底。

作品捌入選過真濟改圖畫書獎項，包括2019年波隆納插畫獎、2022年佮2026年台北國際冊展首獎等，嘛提著真濟改金鼎獎的肯定。這幾年專心創作，有《怪獸媽媽》、《吹笛手菇菇狗》、《貓什麼都知道》等繪本。

國立臺灣師範大學臺灣語文學系博士。教育部台語認證佮成大台語認證專業級（C2）證照。現任國立政治大學台灣文學研究所、國立臺灣師範大學臺灣語文學系兼任助理教授。文化部「培育台語家庭計畫」訪視委員。

捌做過高中佮國中的閩南語文課本作者佮編審委員。中正紀念堂《國家語言推廣活動》台語審定、PODCAST《佐伙來聽囡仔古》（第一季佮第二季）台語審定佮教學、繪本《怪獸媽媽》；《上恐怖的這一工》的台語翻譯、桌遊《黑水溝傳奇之鄭王復台》台語翻譯、網路台語迷你影集《外星人咖啡館》台語顧問。